Welcome

Update a ni ta

2010-04-16T14:00:00.002+05:30

member te thahnem ngaihna a zarah he Blog hi update ani ta e. Thu tha leh pawimawh tak tak han sawi tur chu a awm em em lo a,mahse, a hminga update ve hrim hrim hi a trul nia hriatna liantak a awm avangin Update a ni ta e. Tunah pawh hian engmah han sawi belh tur a awm tawh loh avangain ka duhtawk mai ange. A tul anga update hna hi a rang lama thawh zel tura beisei ka ni in ka hria...ka lom e..

Internet leh a Nghawngte by C.Lalnuntlinga

2009-08-02T00:17:00.002+05:30

ENGNGE INTERNET CHU?

Internet chu computer network hrang hrang thlunzawm (network of networks) sawina a ni.

Heng network hrang hrang thlunzawmna atan hian, copper wires, fiber-optic cables, wireless

connections etc hman an ni. Internet hi kum 1960 bawr vel atanga lo piang chhuak tan a ni a,

developed tak tak a nih erawh chu kum 1969/70s vel a ni thung. Mi thenkhat chuan Internet

leh World Wide Web (WWW) hi thuhmun niin kan ngai fo va, mah se a thuhmun lo tih hriat a

tha. World Wide Web (WWW) chu, Hyperlinks leh URLs hmanga thuziak (documents/web)

thlunzawm sawina a ni. Chutih rualin WWW leh Internet hi thil kal dun tlat a ni a. WWW-a

data te chu Packet Switching hmanga inthawn chhawn a ni a, chu hna thawktu ber chu

Internet Protocol (IP) a ni.

Internet-a ‘I’ hi hawrawp te, i.e internet tia ziah a nih chuan network pahnih/pathum

sawina a ni a. Hawrawppuia ‘Internet’ tih a nih erawh chuan Network hrang hrang

thlunzawm sawina a ni, a awmzia a danglam tihna a nih chu. Internet hian khawvel ram 170

chuang a fan chhuak tawh a. Mi maktaduai 149 chuang zetin Internet hi a hmang reng a.

Website pawh tluklehdingawn 10 chuang a awm tawh a ni an ti! Zirchiangtuten an sawi danin

Internet hmangtu hi thlatin zaa 12 (12%) zetin an pung bawk niin an sawi!

Click la avaiin chhiar rawh le..................

13/30 WINDOW By.L.R.Colney

2009-07-23T02:47:00.005+05:30

Missiologists ten ramthim thlur bing nan “10/40 WINDOW” tih tawngkam an rawn chher chhuak a.10/40 window tih awmzia chu kan chenna khawvel 40 Degree Latitute North leh 10 Degree Latitute North of Equator atanga lakin, China atanga Africa khawmualpui thlengin ram 59 te an ni. He Degree Latitute huam chuang a awm mipui 97% lai maite chu Chanchin tha la dawng ve lo (unreached) kan tihte an ni a. Khawvel ram rethei ber ber 82% te an tawmkhawmin heng ram chhunga mission sum , rawngbawlna luanglut erawh chu Mission rawngbawlna atana asumlut zawng zawng lakkhawm atang 5% aia tlem a ni thung si a. Sawi zel chakawm tak tak chu awmmahse tun tuma kan sawi tur erawh chu “13/30 window “ ve thung ani tlat mai.

Click here to read more

Masturbation

2009-07-21T12:54:00.001+05:30

Masturbation (inhrawt) hi rilru lam zirmi te chuan naupang lai emaw, rawlthar chhuah phat, emaw tleirawl chhuah phat hian an ching duh hle a. Mihring nun phung leh than chhohna a thil tel ve pakhatah an ngai hial a ni. Masturbation (inhrawt) hi hmeichhiat mipat chakna mahnia inhrik thlakna a ni. Tleirawl chhuah phat hian Pathian in min siam chhan chithlah theihna mipek te chuan ha rawn thawk tanin, mihringah chakna nasa tak arawn thlen a he chakna tihreh nan hian tleirawl ten masturbation hi an lo chhin tan phat thin a ni.

He masturbation (inhrawt) chung changah hian ngaidan inanglo tak pahnih a awm a, ngaihdan pakhatna ah chuan masturbation tih chingte hi rilru lamah harsatna neite an ni antih laiin ngaidan pakhat zawk chuan heng mite hian rilru lamah harsatna an tawk kherlo an ti ve thung. Chutih rual erawh chuan naupang, tleirawl leh puitling zingah mi baka lo chham rei bik leh tawpsan mai harsatte an awm thin a. Heng kawnga harsatna tawk mek te leh tih chingte hian rilru lamah tibuaitu an nei a ni tlangpui thin.

A lo intan dan leh a chhan te:

Eng emaw laia naupang, tleirawl leh puitlaing thenkhat ten vawi hnih khat an ti thin hi chu titaka pawi leh ngaimawh tham a ni hauh lo va. Tin, nupui / pasal neitawhte zingah erawh he tainglam hi an ti ngai meuh lo thung. Mahse, mipui an thuhmun fo theilo tih ang deuhin chakna hrik thlaknan hian hetiang lam chhun zawmta reng hi an awm thin.

A tlangpuiin naupang leh tleirawl thenkhat ten regular taka an chin chhunzawnna chhan chu nuam antih vang aimahin himlo nia inhriatna leh nuna khawharna nei thin te an ni fo thin a heng an khawharna an neihte chhawk zang khainan hian an ti leh mai thin a ni. Naupang leh tleirawl thenkhatte an nu leh pa te atanga chhan leh vang tha tawk tak pawh nilova sawiselna leh hauh tawk fo thinte hian an chakna hrik thaknan hetainglam hi tih an ching tlangpui thin. Chuvangin tleirawlten an chin chhunzawm fo chuan an nunah harsatna an tawk a ni tlangpui thin a ni.

A chhan dang leh ah chuan hetain thil ching dawk lak fo te hian mipat hmeichhiatna laman an kham khawp an hmun loh vang a ni thin.

Tleirawl leh rawlthar ten puitlang an nih thlenga an ching chhun zawm zel chuan rilru lamah harsatna an tawk a ni tlangpui thin. An nunah hlauhthawnna te, thian kawm nai vaklo, midang laka inlak hrang duhmi mahni a awm nuam ti mi te, hmeichhia emaw mipa emaw (an opposite sex) te nena inkumkaihan neih hlauna rilru nei thinte an ni tlangpui thin. He tiang thil hi nupui pasal neitawh te leh tlangval/nula ah an chuan awm tawhlo tura ngaih a nih laiin la ching chhun zawm zel a nih chuan puih an ngaia harsatna an tawk a ni tlangpui thin.

Taksa anghawng dan:

Masturbation hain taksaah nghawng thalo a nie thei a, chauh ngawih ngawihna te, hmaibawl leh arngengte a siam thei a, kut failova serh kan khawih thin avangin STD natna kai mai a awlsam a tin kapthak leh sazu takte an nei duh bawk. Tin, masturbation ching thinte zingah hian zunkawng thalo leh zunin an nei duh bik a. Rilru lamah inngaihhniamna leh nuam tih zan lohna na nei duh bawk.

Engtia tih tur nge?

Masturbation hi sual rapthlak tak leh thil ten awm a ni tih hrait tir hian awm zia a neih thu vak lo va, an harsatna a sut kaim phah chuan lo. Eng nge an nunah tlak chhan an neih? tih hriattiam zak an ngai a. Counseling vawi tak tak neihpui an ngai hial thin.

Heng masturbation ching thinte hian manhi inringtawkna an talchhamin, an chhung rilah him tawk lo riaua inhriatna an nei nasa thin a an mahni hretaim tak chuanga thil awm zia sawipuiin zawi zawiin mahni inringtawkna an nei in an thil ching thin a hi an thlah thei a ni.

Mipat hmeichhiatna lampang inzirtirna tha tak pek an ngai a, an hriat tur ang an la hre lo a ni tih hriat a tha. He tian ching fo thiante hian mipat hmeichhiatna chung changah hian ngaihdan diklo an nei duh chawk a. Mihring saruak an hmuhin ngaituahna thianghlim lo tak leh ngaidan thalo tak an neih thinte hi thlak sak an ngai a ni.

Heng harsatna tawk thinte hian rilru hnualna leh hlawhchhanna an tawh changing masturbation lama tuan mailo in mahni inrintawkna nei tur a fuh an mamawh a, tin midangte zingah awmtam leh humawl ah a tam thei angber hnatawk se hei hian nasa tak in a pui thei ang. Mahni inthaim lohna nasa tak an neih hian a eng zawng leh a ho zawng in an ngaituah theih nan thinte leh counselor ten an puih a ngai fo thin.

Tunlai hian rawlthar leh thlangval te zingah masturbation hi an ching nasa a. Thenkah phei chu addict hialte pawh an awm a ni. He tiang lama insum theilo leh chaklo kan awm chuan kan hriattur pawimawh tak mai chu kan awmna hmun a him em? Kan zauthauna ti chhuak thei thil kan hmuh leh kan hriat maitheihna hmunah kan awm chuan chu chuan min hruaisual thei a, kan film en duh zawngte kan fimkhur a tha a. Ka chhakna ti chhuak thei thil lakah kan inveng a ngai a ni.

Hun awm in siam tamlo ila, mipa tan chuan sport lam ah theih an tawk tawka in hman ata khawp mai. Taksa insawizawina lam uar la, lehkahbu tha chhiar tam ang che. Thalaia inhmang mi inih chuan activity ngaipawimawh la, thiante zingah awm tam ang che.

Tawngtai a Pathian hnenah kan inhlan fo a tul a, nitina fianrial neih hian nasa takin mipui mai piah lamah sim hlenna mi pe thei a ni.

COMPUTER GAMES LEH A NGHAWNG

2009-07-13T11:25:00.004+05:30

Mizo naupangte zinga Computer Games-in nasa taka nghawng thalo a neih mek lai leh a mimal tak pawha ka vei ve lai takin Vanglaini July 3, 2009 chhuakah khan Dr. Lalsangluaia Sailo-in Computer Vision Syndrom (CVS) chungchang a rawn ziak ka hmu thut a. Kha article beng tivar tak khan rilru a chawk thovin, tlema han tuihnih ve ka duh a. Games hian naupangah nghawng a neih nasat zawk avang leh a kheltute pawh naupang lam an nih tlangpui avangin naupang lam hawi deuhvin ziak ka duh a, ziah tur a tam hle a, mahse a pawimawh zual chauh tarlang ila.

Computer Games leh Mizo naupangte

Kum 1980 bawr vel khan Mizoram Television a lo awm tan a. TV-in langsar tak pakhat chu Video Games a ni a. Kum 1983 vel kha chuan Aizawl Temple bulah sawn Video Game Parlour a awm tawh a, a hmasa pawl a ni hial ang. Khang hun laia game kha chu tunlaia Games te nen hi chuan khaikhin rual lovin a inchangkan hleih a ni. 90s atangin Mizoramah computer kan hmelhriat ve tan a. Computer-in a kentel langsar tak pakhat chu Computer Games a ni leh a. A hmaa Video Games kan lo hmelhriatte nena khaikhin chuan graphic pawh a changkang hlei hle a ni.

Hetiang a nih avang hian naupang tam takin game khelh an buaipui nasa em em a. Hun engmawti lai atang khan Aizawl khawpuiah pawh a huhova game khelhna hmun (Gaming Parlour) a pung hluai a. Eizawnna tham a tling a ni. Games atchilh (gamer) pawh nasa takin an pung a, gaming parlour-ah chuan computer-te thlunzawm (network) an nih avangin a nuam bik em em a, mahni ina game khelh ngawt ai chuan a lo nawm zawk avangin naupang/tleirawl tam tak chuan an atchilh tlut mai a ni.

Hetah hian click la a vaiin chhiar roh lem......

Global Warming

2009-07-02T13:28:00.004+05:30

“‘Chi tam tak thlaha lo pungin, leilung hi luah khat ula, in thu thuin awmtîr rawh u; tuifinriata sangha chungah te,chunglêng sava chungah te, thil nung leia bawkvâka kal zawng zawng chungah te thu nei bawk rawh u,’ a ti a.” (Gen. 1:28)

Easter Island, Rapa Nui tia hriat bawk chu Chile leh Tahiti inkara awm a ni a, khawvel thliarkar zinga pilril ber pawl a ni. Mahse, an chenna ram an tihchereu nasat lutuk avanga anmahni pawh thi mang vek awmchhun an ni!

A chunga Bible chang kan tarlan ang hian Pathianin leilung a siamtirh khan mihringte chungah thuneihna sang tak a pe a, mahse chu thuneihna hman sual erawh chu mihringte tan chhiat hlen derna a ni lawi si. Easter Island-a chengte pawh hian Pathian thilsiam zahawm tak takte enkawl dan an thiam loh avangin an chhiatna turin ‘thang’ an kam a ni. An chanchin hriat tur a awm tam lo hle. An chenna ram an tih chereu nasat lutuk avangin hun rei lote chhungin an mang vek tih erawh chiang taka hriat a ni thung.

Thing an kit nasa a, a rêm avangin lei min leh tawlh a tam a, ram a chhe tial tial a, sava leh nungchate tan awm ngaihna a awm lo va. Ruah a sur tlem tial tial a, thlai a to thei bawk si lo. An eizawnna ber sangha man turin lawng tuk tur thing a awm bawk si lo. An chaw ei an thlak a ngai a, ar leh sazu an ei ta a, a hnuah phei chuan an mihringpuite sa pawh an ei hial mai a ni! Tichuan he hnam hi an chanchin pawh chhui zui theih mang lovin an lo mang phah ta hial a ni. Tin, Pacific thliarkar pakhat ‘Vanuatu’ pawh hetiang deuh bawk hian kum 2005 khan an lo rauhsan deuh titih tawh bawk a ni.

Click la chhiar chhunzawm roh

(He thu tha tak hi C Lalnuntlinga hnen atranga kan lak ani.)

Nungcha

2009-06-26T22:31:00.000+05:30

Hengtianga Laiking hmuhtur an la om hi mak zawk tak a ni. Tuna kan chenna ram ngaihtuah chuan mak deuh a ni. Humhalh tum reng reng lo a an om mai mai lai kanlo nghaisa thin kha chu tuna kan tu leh fate hian an tuar ta chu a ni chiang teh e, enge a hming pawh hrelo tam tak tunlai naupang zingah hian an awm tawh ang. Keini hun laia (han ti ve khanglang ila) awmngaihna hriatloh lutuk vanga hengtiang rannung kan nghaisa kha chu alo poi a ni. Tunah kan in hre chhuak vat te anih loh chuan kan chan hlen mai ang tih pawh thil hlauhawm tak ani.

Naktuk ah enge thleng dawn???

2009-06-23T11:40:00.000+05:30

Kan hringnun lamtluang zawh hi zawng a makin hriathhiam a har lua e. Engkim mai hi tawp thei tak tak hi alo nilo. Kan hun tawn a zirin kan khawsain kan rilru kan pe mai mai ni hian a lang ber mai. Kan duh leh kan ngainat te hi zawng, a hun leh a hmuna zir hian a inthlak mai mai ani e. Naktuk ah enge thleng dawn? a chin hriam kan awm em? zankhat hianthil a ti thei asin, minute kha hian thil a ti thei asin, vawikhat lek in deh/tawh fuh zeuh te hian thil a ti thei asin. Kan damchhung ni kan hman dan tur a hril vek thei asin. I ngaihtuah ve ngailo poh ani maithei e.

2009-06-14T22:30:00.000+05:30

Nungchate kan humhalh hi chu thil tha tak hi ava ni em, kan tunlai khawvel boruak chhe lutuk hian an tan hian hmun a ti bo zo vek tawh ani ber mai. Keini hian nghaisa lo mah ila, boruak hian a zir lo thlawt chu ani e. Heng tianga an khawsalai hmuh hian rilru a ti hlim thin. Keimahni hian kan inzirloh chhung chuan engtikah mah nuamsa in an awm leh tawhlo ang.

Pic thenkhat

2009-06-14T22:17:00.000+05:30

Pu K. Lalduhawm alo ni ta der mai. Ani hi kan Section lama kan hruaitu ani a, a hna ah chuan a rinawm em em a ni.

2009-06-14T22:09:00.000+05:30

Ka thian duh em em leh kawmngeih em em Linda Lalhluziali pic hi kan dah ve mai mai ange. A ni te reuh hi a hlim thei viau e tilo chuan a hrilsello ru riau mai a, pawi tak tak ani. An unau ah chuan kawm pawh anuam ber. Mahse ka blog a ka dah hi chu a duhlo viau maithei ani.

Han ti ve chhin teh

2009-06-14T22:04:00.000+05:30

Picture thenkhat kan han khawih kual vel mai mai ani e...ka siam chiah pawh anilo.....i ti ve duh ani chuan http://www.photofunia.com/ ah hian ti ve chhin roh